Senin, 31 Januari 2011

RATOK ARI BA IBO ATI

di sikkek juo di agi tanco
rambuk ruruk kalimumu basarang
di kabek juo di agi tando
cinto di awak kawin jo urang

Karambi condong tapi pasi
Awan mambarek dari tunggaro
Padih ditutup sapuluh jari
Malawan hati dak ado guno

Kilek mambalah di langik sanjo
Baderek awan manangguk ujan
Sasek mangintai mambaok ibo
Untung parasayan dak takatokan

Bulan sajo manyondok ari
Pabilo nampak bintang di langik
Gamang muluk manyulam janji
Rindu badarak hati takapik

Biduk di dayung dari muaro
Layar takambang manantang awan
Ratok ibo simpan di mato
Sakkik baguncang dak tatagakan


Limo baduri jo bungo kambang
Di ate tampurung asok kumanyan
Garok hati seso baguncang
Untung di harok panyasalan

Siboga lampu ba beleng
Nampak nan dari ujung bawang
Di sangko bumi nan teleng
Ruponyo bapindah kasih sayang

duo tigo kucing balari
balari juo si kucing balang
duo tigo litak mancari
indak sarupo samo nan ilang

karak di serak di ate pinggan
Di masak samo minyak santan
bacakkak bintang samo bulan
ombak di lawik nan mananggungkan

tigo karambi dari singki
di baok gadi naik bendi
ba kiro ombak mahampe pasi
Ratok tangi ba ibo hati

sawu bagoyang di hampe ombak
tibo mandarek di tangkahan
untung panyasalan malape sasak
kamano awan mahampe ujan

Manunggu ayam masuk ka kandang
Ruponyo duluan masuk musang
Di tunggu adik dak juo datang
Ruponyo ala pai di baok urang

Dak harok kambang bungo
Kambangnyo lisuk lai
Dak takijok  garik mato
Disangko untung ruponyo cai

Nampaknyo ijo si ai lawik
Bacampu ujan dari muaro
Apo ubek ati nan sakkik
Di ingek juo dak ado guno

Bagantung ulek dalam kueni
Dikubak kuliknyo samo piso
Untung mularek ala tajadi
Di ingek juo Lapekan sajo

Indak santan lasi lamak
Dimasak gadi dalam kuali
Pacca ratok ibo basasak
Diharok juo nan indak jadi

Kelok ai indak takabek
Kelok muncung keccek barasok
Harok mananti ala balalek
Jaga ditunggu lango  nan inggok
 (catatan pantun TAPI PASI dari koleksi album pantun "dedizindegysoetomo)

Simantu jalan kasiage
Sitarak banyak dibukinyo
Balum ambo tanggung ala ambo rase
cobaan banyak diduniako
(catatan pantun TAPI PASI "Kastamansyah Hutabarat)

Tidak ada komentar:

Posting Komentar