Senin, 31 Januari 2011

ALA ULE SIKAMBANG BOTAK

kasik putih karang badare
anak kapiting baranjungan
kasih putus badan bacare
sumangek nan jangan bajauhan


cincin banamo ganto sari
sasuai sajo di kalingking
hilang kamano ambo cari
lautan sajo nan ba kuliling

laying-layang manyemba bui
di balik pulo angso duo
kasih sayang bisa bo cari
kok tampek tu jarang ba suo

rumah gadang ba dinding jari
jandelanyo jangan di bukakkan
antaro hiduk samo mati
kok adik dak dapek dilupokan

tinggi bukkik nyo pagadungan
nampak dari pulo banyak
jangan disabuk paruntungan
ai mato di baok galak

katupek dari salido
dimakan bulan puaso
apo ubek ati nan ibo
nan hilang baganti pulo

bade-bade tiang musaji
bare ba ukki sari bulan
tagak talale di ambo tadi
babagi untung sabagian

di cincang rabung di kunyi’i
anak sumbelang ka murayok
ku pandang gunung ku tangisi
nandak tabang dak ba sayok

ba mutik marapulam kami
ba bungo bataruk mudo
batuah sangkak barani
ala tabang kumbali pulo

lapik salerang manyalerang
tigo salerang dibawa batang
lapekan burung dalam kerang
pajinak burung baru dating

jago-jago ba pagar karang
tingga jumbatan langang juo
lain bana kasih sakarang
kasih tadorong hilang sajo

ala masak tarung tarunjuk
masak di diang pane ari
ambo maliek tolan tunduk
racun ba main dalam ati

di tampi dadak di tampi
namun inyo ba dadak juo
din anti awak mananti
namun inyo taragak juo

kok pande ba kain panjang
hampi sarupo ba kain sarung
kok pande ba induk samang
hampi sarupo ba umak kandung

tarutung namo durian
dibala mang ko di makan
ala ta untung ta bagian
ka siapo ambo kato kan

putik nane di puncak gunung
sakin kamano bo layok kan
hari pane buli ba lindung
mikkin kamano di andokkan

ili nata mudik batahan
hanyuk jo bamban jo ureknyo
haus lapa bias bo tahan
kok ati jauh mambaok ibo

dak bo sangko rigo-rigo
pipik sinandong makan padi
dak bo sangko maccam ikko
piso dipinggang maramuk ati

kiamat burung kiamat
ka tigo burung tigo lago
nan pai pintak salamat
nan tingga jangan dapek maro

elok-elok ba tanam jagung
tanam pitulo di pamatang
sakkik sanang ala di tanggung
ba apo pulo nan ka dating

ba bunyi paluit motor
baranti tantang pasa ayabi
ta tunggang minyak dalam botol
satiri nan tidak mau habi

ala masak ancimun dondang
masaknyo di rumpon padi
salamo adik ‘e kau dating
ala batukkuk tamba kami

janganlah bulan tarang kilek
tarang malante bawa ruma
janganlah kasih saying amek
kasih tu lakke ka ba ruba

ai taladung di musala
tampek mandi rajo janggi
maminta umu ado sala
samo takinyam di nan mani

ba kukkuk ayam di musala
kukkuk nyo dare ba dangakan
hujan di langik punyo sala
ombak di lawik mananggungkan

pacca cambung di timpok cawan
cawan ba timpok cambung pulo
ambo manumpang pado awan
awan di timpok bade pulo

antimun bungkuk dalam padi
dalam cukko paramasan
bia marunguk dalam hati
di mukko indak kanampakan

rentak peti nan ba gewang
sambilan anak kunci nyo
janganlah hati di pacewang
nantikan maso putikko nyo

Ujan labek tanga hari.
Basa kain nan bajamukan.
Ala bakabek mau juo lari.
Apolai nan balepekan...

(catatan pantun TAPI PASI dari koleksi album pantun "dedizindegysoetomo)

Tidak ada komentar:

Posting Komentar